Ինչպես հայտնում է հայտնի պարբերական Goal.com-ը, այս շաբաթ «Մանչեսթեր Յունայթեդի» հարձակվող Ուեյն Ռունին հանդիպել է երկու ակումբների հետ, որոնք հետաքրքրված են նրա ծառայություններով:

Նշվում է, որ Ռունիի հետ երկու ակումբների  հանդիպումները տեղի են ունեցել նույն օրը: Առաջինը Ռունին զրուցել է ինչ-որ Պրեմիեր Լիգայի ակումբի հետ, իսկ ավելի ուշ նա մեկնել է արտասահման եվրոպական ակումբներից մեկը տեղափոխվելու հնարավորությունը քննարկելու:

27-ամյա անգլիացին որոշել է անձամբ մասնակցել այդ հանդիպումներին: Ակնհայտ է, որ Ռունին ցանկությունը է հայտնել հեռանալ «Օլդ Թրաֆորդից» եւ այժմ փնտրում է տարբերակ, շարունակելու կարիերան այլ ակումբում:

Անգլիական թիմերից Ռունին իր տրանսֆերում ֆավորիտ է համարում «Արսենալին»: Հիշեցնենք, որ վերջերս «Արսենալի» գործադիր տնօրեն` Իվան Գազիդիսը հայտարարել էր, որ թիմը պատրաստ է գնել Ուեյն Ռունիին: