Գլխավոր » 2013 » Մարտ » 31 » Ով է պետք Արսենալին.

---

22:03 Ով է պետք Արսենալին.

Արսենալը հետաքրքրվում է մի քանի ֆուտբոլիստների ծառայություններով` դարպասապահներից մինչև կենտրոնական հարձակվող: Ձեզ եմ ներկայացնում այն հնարավոր ձեռքբերումները, որոնք կօգնեն մեր թիմին հաջողությունների հասնելու համար: Դարպասապահներ. Վիկտոր Վալդես. Հայտնի է, որ Արսենալը լուրջ հետևում է իսպանացուն: Իր հերթին Վալդեսը հրաժարվել է երկարաձգել պայմանագիրը Բարսելոնայի հետ: Չնայած, որ Բարսելոնան քիչ գոլ է բաց թողնում, այնուամենայնիվ Վալդեսը այն դարպասապհը չէ, ով կարող է Շեսնիից կամ Ֆաբիանսկուց լավ կանգնել: Ֆեռնանդո Մուսլերա. Գալաթասարայի այս ուրուգվայցի դարպասապահը շատ բարձր մակարդակի դարպասապհ է: Մեծ փորձ ունի եվրոգավաթներում, մասնակցել է աշխարհի առաջնությանը: Մեծ վստահությամբ կարելի է ասել, որ Մուսլերան Արսենալին պետք կգա: Ռույ Պատրիսիու. Պորտուգալացի դարպասապհը համարվում է Պորտուգալիայի հավաքականի հիմնական դարպասապհը: Նա իր բարձր մակարդակը ցույց տվեց 2012թ.-ի Եվրոպայի առաջնության ժամանակ: Ռենե Ադլեր. Համբուրգի դարպասապահը նույնպես բարձր մակարդակի է: Բավարիայից բաց թողած 9 գնդակը չի ապացուցում այն, որ Ադլերը վատ դարպասապահ է: Գոլերի մեծ մասը պաշտպանների մեղքն էր: Նա նույնպես կօգներ Արսենալին: Դարպասապհների մեջ առավելությունը տալիս եմ Ֆեռնանդո Մուսլերային: Պաշտպաններ. Անջելո Օգբոննա. Տորինոյի երիտասարդ կենտրոնական պաշտպանին մեծ ապագա է սպասվում ըստ որորշ մասնագետների: Նրա ծառայություններով հետաքրքրված է նաև Յուվենթուսը: Բայց Օգբոննան մակարդակով բարձր չէ Կոսյելնիից կամ Մերտեզակերից: Մամադու Սախո. 1 տարի առաջ Սախոն ՊՍԺ-ի հիմնական պաշտպանն էր ու ավագը: Սակայն Սիլվայի գալուց հետո նա այդքան էլ շատ խաղաժամանակ չի ստանում: Նրա բարձր մակարդակը վստահ եմ շատ կօգնի Արսենալին: Լուիս Կավանդա. Լացիոի այս պաշտպանը նույնպես երիտասարդ ու տաղանդավոր է: Սակայն նրա մակարդակը նունպես Մերտեզակերի ու Կոսյելնիի մակարդակից բարձր չէ: Պաշտպաներում առավելությունը կտայի Սախոին: Հենակետային կիսապաշտպաններ. Ալեքս Սոնգ. Մեր նախկին կիսապաշտպանը տեղափոխվելով Բարսելոնա քիչ խաղային ժամանակ է ստանում և մտածում է ակումբը փոխելու մասին: Նրան պատրաստ է վերադարձնել Արսենալը: Սակայն դժվար կլինի հարմարվել Արսենալի նոր խաղաոճին: Համեմատած նախորդ մրցարջանի հետ Արսենալը Սոնգի ու Պերսիի գնալուց և Կասորլայի, Պոդոլսկու ու Ժիրուի գալուց հետո փոխել է իր խաղաոճը: Էտյեն Կապուե. Թուլուզի հենակետային կիսապաշտպանը ավելի արագ ու դեպի մրցակցի դարպասը ուղղված ֆուտբոլիստ է: Անկասկած նրա նման հենակետայինը պետք կգա Արսենալին: Մաքսիմ Գոնալոն. Լիոնի ֆրանսիացի երիտասարդ հենակետայինը համարվում է Ֆրանսիայի ապագա աստղերից մեկը: Նրա խաղաոճը նման է Արսենալին խաղաոճին: Հենակետային կիսապաշտպանների մեջ առավելությունը տալիս եմ Կապուեին: Հարձակվողներ.  Դավիթ Վիլյա. Արսենալը լուրջ հետաքրքրված է Վիլյայի ծառայություններով: Ճիշտ է, Վիլյան բարձր մակարդակի ու լավ հարձակվող է, բայց Արսենալին պետք է երիտասարդ, արագ հարձակվող: Ալեքսիս Սանչես. Արսենալի ուշադրության կենտրոնում է նաև Սանչեսը: Չիլիացին Բարսելոնայում այնքան էլ լավ չի խաղում և իմ կարծիքով Ժիրուից նա ոչնչով առավել չէ: Ստեֆան Յովետիչ. Ստեֆանը այն հարձակվողն է, ով պետք է Արսենալին: Նա արագ է, տեխնիկապես զարգացած ու պատրաստ է ամեն պահ խաղը իր վրա վերցնել:    Պյեր-Էմերիկ Օբեմանյագ. Գաբոնացին Սենտ-Էտյենի առաջատարն է, ու Ֆրանսիայի առաջնության երկրորդ ռմբարկուն: Նա նույնպես պետք է Արսենալին: Հարձակվողների մեջ առավելությունը կտայի Օբեմանյագին ու Յովետիչին:

Կատեգորիա` Այլ | Ավելացրեց` Gunner | Թեգեր` magari, больное сердце, Ալեքս Սոնգ, Gene, Ալեքսիս Սանչես, подключение бытовой техники

Մեկնաբանություններ` 0