«Արսենալը» կիսապաշտպան Մարուան Ֆելայնիին գնելու համար 22 մլն ֆունտ է առաջարկել «Էվերթոնին»:

Ինչպես հաղորդում է Goal պարբերականը, գումարը վճարելու իր պատրաստակամության մասին «Արսենալը» հայտնել է չորեքշաբթի օրը, երբ Ռոբերտո Մարտինեսը պաշտոնապես գլախավորեց «Էվերթոնը»:

«Արսենալին» մնում է ստանալ Մարտինեսի համաձայնությունը և վճարել արդեն համաձայնեցված գումարը:

Նշվում է նաև, որ բելգիացու ծառայություններով հետաքրքրված են նաև «Մանչեսթեր Յունայթեդը» և «Չելսին»:

Հավելենք նաև, որ «Արսենալում» Վենգերի աշխատած տարիներին երբեք չի եղել այսպիսի տրանսֆերային բյուջե: Այժմ Վենգերի տրամադրության տակ 70 մլն ֆունտ կա, որից սակայն ոչ մի գումար չի ծախսել: