Գլխավոր » 2013 » Մարտ » 31 » Արսեն Վենգերի հետխաղյա մեկնաբանությունները.

---

13:02 Արսեն Վենգերի հետխաղյա մեկնաբանությունները.

Այն բանից հետո, երբ Արսենալը սեփական հարկի տակ ջախջախիչ պարտության մատնեց Ռեդինգին, Վենգերը կիսվեց խաղի և խաղացողների մասին իր տպավորություններով: Հաղթանակի մասին. «Ինձ դուր եկավ մեր խաղը: Այսօր մենք կազմակերպված խաղ ցույց տվեցինք: Ինձ դուր եկավ թիմի մարտական ոգին, իսկ տեխնիկական կատարումը բարձունքի վրա էր: Ցավում եմ, որ շատ գոլ չկարողացանք խփել»: Նաչոի մասին. «Կարծում են, որ դա ընդամենը թեթև վնասվածք է: Իմ կարծիքով նա մի փոքրիկ կապտուկ ունի կողի հատվածում: Նա պատրաստ կլինի 2-3 օրից»: Ուիլշերի և Ուոլքոթի վնասվածքի մասին. «Չեմ կարծում, որ Ջեկը հաջորդ խաղում մեզ կօգնի: Դրանից հետո նա երևի արդեն պատրաստ կլինի: Իսկ Թեոն վատ շանսեր չունի խաղալու Վեսթ-Բրոմվիչի հետ»: Ժերվինյոի խաղի մասին. Ժերվինյոն շատ լավ խաղաց; Նա պատրաստ էր ամեն պահ գոլ խփել: Նա գոլային փոխանցում կատարեց և ինքնել գոլի հեղինակ դարձավ: Ես կարծում եմ, որ Ժերվինյոն մեկ-մեկ կորցնում է ինքնավստահությունը: Հարձակվողին վստահություն է պետք: Հիմա նա գտել է իր վստահությունը, նա շատ վտանգավոր խաղացող է: Աֆրիկյան երկրների առաջնությունում նա ինձ համար լավագույն հարձակվողն էր: Նրա նման ֆուտբոլիստների շատ դժվար է գտնել»: Այն մասին, որ Արսենալը կարող է 3-րդ տեղ զբաղեցնել. Նայում ենք աղյուսակին և տեսնում ենք, որ Չելսին ու Տոտենհեմը մեզնից բարձր են: Այստեղ ամեն-ինչ մեզնից է կախված: Մենք կարող ենք և պարտավոր ենք հաղթել մյուս խաղերում: Մենք բոլոր շանսերը ունենք 3-րդ հորիզոնականը զբաղեցնելու համար: Եկեք սպասենք մրցաշրջանի ավարտին: Մենք դեռ չենք ասել մեր վերջին խոսքը»:

Կատեգորիա` Հետխաղյա մեկնաբանություններ | Ավելացրեց` Gunner | Թեգեր` Արսեն Վենգեր, Ժերվինյո, Նաչո Մոնրեալ

Մեկնաբանություններ` 0