Զինանշան

«Ռոյալ Արսենալ» ակումբի ձևավորումից 2 տարի անց` 1888թ.-ին ստեղծվեց նրա առաջին զինանշանը(նկար 1):Հարկ է նշել, որ այն Վուլվիչ թաղամասի զինանշանի կրկնապատկերն է եղել:1913 թ.-ին Վուլվիչ թաղամասից Արսենալը տեղափոխվում է Լոնդոնի ավելի հյուսիսայն մաս:Արդեն մի քանի տարի,ներառյալ 4 տարվա պատերազմը, ակումբը չուներ իր զինանշանը, և միայն 1922/23 մրցաշրջանի առաջին խաղում, զինանշանի վրա պատկերված էր մի թնդանոթ,որի վրա գրված էր  «The Gunners» (նկար 2):

1925 թ.-ին թնդանոթը ստացավ ավելի էլեգնտ տեսք և թնդանոթի սևեռուն հայացքը փոխվեց դեպի արևմուտք:Սակայն լեգենդար «The Gunners» գրությունը մնաց անփոփոխ (նկար 3): Հաջորդ զինանշանի վրա(նկար 4) կրկին թնդանոթը ուղղված էր դեպի արևմուտք,բայց թնդանոթների թիվը երեքն էր,ավելացավ Լոնդոնյան Արսենալի գլխավոր տարրը:Այս զինանշանը պահպանվեց հաջորդ 17 մրցաշրջանների ընթացքում,երբ արևմտյան թնդանոթը փոքր ինչ ձևափոխվել է և ավելացել է լատինական մի գրություն  «Victoria Concordia Crescit»:

«Victoria Concordia Crescit» գերբը(նկար 5) պաշտոնական դարձավ 1949/50 մրցաշրջանի առաջին խաղում:Սակայն այս զինանշանի ծագումը բխում է 1947/1948 հաղթական մրցաշրջանի սկզբին,երբ կանոնիրները երկրորդ համաշխարհային պատերազմից հետո առաջին ագամ նվաճեցին Անգլիայի ոսկին:

Հաջորդ 53 տարիների ընթացքում «Victoria Concordia Crescit» գերբը մնացել է անփոփոխ,միայն տեղի  են  ունեցել աննշան փոփոխություններ:Սկզբում զինանշանը գունավորեցին(նկար 6),նաև փոխվեց «Victoria Concordia Crescit» գրության տառատեսակը ավելի ժամանակակից ձևի:Իսկ որոշ ժամանակ անց զինանշանին ավելացվեց տարբեր ոսկեգույն երանգներ(նկար 7):

Այսպիսով,ավելի քան կես դար Արսենալը գրեթե չի փոխել իր ավանդական զինանշանը, սակայն 2002 թ.-ին ակումբի ղեկավարությունը որոշել է փոխել ակումբի զինանշանը: Ընտրվել է ավելի ժամանակակից տեսք(նկար 8):